Çështja e detit, Vasili: Rama ka vendosur që kufijtë ti shesë në Hagë. Po mashtron publikisht
Vizita e ministrit grek në Tiranë, rihapi çështjen e detit për të cilën nënkryetari i LSI-së, Petrit Vasili thotë se kryeministri Edi Rama ka vendosur që kufijtë ti shesë në Hagë. Vasili hedh akuza të drejtëpërdrejta ndaj Ramës, ku e quan tradhëtar dhe se po mashtron publikisht. ”Marrëveshjen për të shkuar në Hagë as nuk e ka parë, jo më ta miratojë as Presidenti as Kuvendi. Mashtron publikisht lidhur me Presidentin, kur u thotë grekëve se e pengon Presidenti, kur në mënyrë të faktuar botërisht nuk i ka kërkuar asgjë atij’‘.
Postimi i plotë
Rama ka deklaruar vete dy vjet me pare ne 29 gusht 2020 se: Marreveshjet nuk mund te jene te fshehta sepse s’kane asnje vlere. Marreveshjet kerkojne vite negociata. Marreveshjet kane vlere kur jane publike dhe kur kalojne proven e institucioneve kushtetuese. Marreveshjet kane vlere kur kane firmat dhe vulat qe shihen me sy. Marreveshjet duhet te marrin miratimin e Presidentit.
Marreveshjet duhet te marrin vulen me miratimin e tyre ne Parlament. Pra Rama e di shume mire se si negociohen çeshtje me rendesi kombetare si kufijte e Shqiperise dhe se miratohen Marreveshjet qe lidhen me kufijte. Ndersa sot po ky Rama i kapur per fyti nga interesat e tij tradheton interesat e shenjta te vendit ben krejt te kunderten e asaj qe deklaronte ne 29 gusht 2020 sepse:
Ka vendosur qe kufijte ti shese ne Hagë. Marreveshjen per te shkuar ne Hagë as nuk e ka pare jo më ta miratoje as Presidenti as Kuvendi. Mashtron publikisht lidhur me Presidentin, kur u thote grekeve se e pengon Presidenti, kur ne menyre te faktuar boterisht nuk i ka kerkuar asgje atij.
S’ka mbyllur akoma grupin negociator te ngritur qe ne 2018, grup i cili eshte akoma ne fuqi edhe sot e kesaj dite e qe prodhoi edhe nje draft-marreveshje, qe synohet te firmosej se bashku me ish Kryeministrin grek Tsipras. S’ka asnje grup negociator te miratuar nga Presidenti, qe te vendose per te shkuar ne Hagë. Tradhetia e vendosur ne mes del qarte ne shesh kur lexon se çfare deklaronte dy vjet me pare Rama dhe çfare ben sot. Ja se çfare deklaronte Rama ne 29 gusht te vitit 2020:
“Për kufijtë mes dy shteteve s’mund të ekzistojë asnjë marrëveshje e fshehtë. Nuk bëhen marrëveshje të fshehta për këtë punë, sepse s’kanë asnjë vlerë mbi detin e mbi tokën për sa kohë janë të fshehta. Bëhen marrëveshje të negociuara me vite, të cilat emrin marrëveshje e marrin kur bëhen publike dhe vlerën si marrëveshje e marrin vetëm kur kalojnë provën e institucioneve kushtetuese të shtetit. Prandaj marrëveshjet nuk merren vesh me telefonin e prishur të thashethemit të radhës, që shkumëzon në gojën e politikanëve pa atdhe apo në detin e internetit pa kufij, po vetëm kur shihen me sy, me lexim, bashkë me firmat e me vulat e tyre”!
“Grupi ynë negociator për çështjen e detit ka nevojë për ndryshime, pasi disa anëtarë të tij janë larguar nga pozicionet që mbulonin kur janë zgjedhur në grupin negociator. Këto ndryshime do të bëhen nëse do të rinisin negociatat dhe këto ndryshime nuk bëhen pa miratimin nga Presidenti të anëtarëve të rinj – jashtë grupit negociator askush, as kryeministri, nuk negocion dot asgjë dhe nuk shet e as blen dot asnjë litër ujë deti. E dyta, çfarëdo marrëveshje që arrihet në nivelin e grupit negociator, duhet të marrë miratimin e Presidentit, i cili ka thënë se marrëveshjen e mundshme do t’ia çojë Gjykatës Kushtetuese. Dhe e treta, marrëveshja që të marrë vlerë përfundimtare, shkon në parlament për të marrë vulën përfundimtare të Sovranit”.
