Debate e përplasje në seancën e sotme në Kuvend

Gazment Bardhi është përplasur në Kuvend me nënkryetaren, Ermonela Felaj, pasi kjo e fundit refuzoi të lexoi letrën e Grupit Parlamentar të PD-së.

Në letrën e firmosur nga 28 deputetë Gazment Bardhi është zgjedhur kreu i Grupit, pasi Basha e hoqi nga ky funksion.

Por Ermonela Felaj refuzoi ta lexojë duke argumentuar se “nuk mund të akuzoni kryetaren e Kuvendit se ka futur Kuvendin në një situatë të paprecedentë, po e bëni ju me provokime të njëpasnjëshme”.

Pjesë nga debati

Felaj: Ka replikë me kryetaren e Kuvendit dhe nuk e konsiderojmë njoftim për ta lexuar

Bardhi: Ju nuk çmoni dot njoftimet e grupit të PD, por t’i lexoni, Nuk ka replikë për çështjet tona të brendshme me kryetaren e Kuvendit nëse e lexoni shkresën, nëse keni guxim, do lexoni vendimin e kreut të grupit parlamentar. Ju nuk munt ë bëni asnjë interpretim mbi këtë vendim, thjesht informoni seancën.

Felaj: Atë që duhet ta thoni ju, nuk e thatë. Nuk mund të akuzoni kryetaren e Kuvendit se ka futur Kuvendin në një situatë të paprecedentë, po e bëni ju me provokime të njëpasnjëshme.

Zgjidhni problemet tuaja të brendshme pastaj do mbaj qëndrim për grupet parlamentare.