Dekriminalizimi, KQZ: 19 deputetë s’e kanë formularin të pastër

Komisioni Qendror i Zgjedhjeve ka verifikuar formularët e vetëdeklarimit në kuadër të zbatimit të ligjit për dekriminalizimin.

Sipas KQZ-së, 19 nga 140 deputetë nuk e kanë formularin e bardhë, ndërsa 7 prej tyre kanë marrë vendim pafajësie.

Komisioni Qendror i Zgjedhjeve po verifikon gjithashtu edhe formularët për kryetarët e bashkive, si dhe këshilltarët bashkiakë.

Sipas KQZ-së, 50 kryetarë bashkie nuk kanë shënuar asnjë të dhënë.

Ndërkohë, përsa u përket ministrave, asnjë prej tyre nuk ka probleme me ligjin e dekriminalizimit.