Delegacioni që priti Kancelaren Merkel në Pallatin e Brigadave, nga Ministrja tek kryenegociatori Mazi e këshilltarja e Ramës

Kancelarja gjermane Angela Merkel ndodhet sot në Tiranë, në një vizitë të dytë në vendin tonë ku është pritur me një ceremoni zyrtare, duke nisur nga Rinasi deri në Pallatin e Brigadave.

Një delegacion i përbërë nga ambasadorë, ministrja e Jashtme e këshilltarë e kanë pritur Merkel në Pallatin e Brigadave para nisjes së takimit me kryeministrin Edi Rama.

Pjesë e delegacionit ishin Ministrja për Evropën dhe Punët e Jashtme Olta Xhaçka, kryenegociatori Zef Mazi, Drejtori i komunikimit i Kryeministrit Endri Fuga, këshilltarja e kryeministrit Rama për marrëdhëniet me jashtë Odeta Barbullushshi, ambasadori gjerman në Shqipëri Peter Zingraf si dhe Artur Kuko, ambasadori shqiptar në Gjermani.