Dëmet e tërmetit, Shoqata Shqiptare e Inxhinierisë Sizmike rekomandime për qeverinë

Politikë E Mërkurë, 29 Janar 2020 16:33

Shoqata Shqiptare e Inxhinierisë Sizmike, një organ i themeluar së fundi, me emrat më të njohur të inxhinierisë në vend, ka dalë me një deklaratë për pasojat e tërmetit të 26 nëntorit.

Ekspertët e inxhinierisë u sugjerojnë institucioneve shtetërore që aplikimin e rregullave të reja ligjore dhe teknike për riparimin e ndërtimeve të dëmtuara. Gjithashtu, ata kërkojnë që në inspektimet dhe vlerësimet e dëmeve dhe riparimeve t’u lihet hapësirë vetëm specialistëve dhe ekspertëve të fushës.