Demokracia në Shqipëri? Rama: Jemi në një klasë me BE-në dhe SHBA-në

Kryeministri Edi Rama, në një konferencë për thirrur për ekonominë, është ndalur ndër të tjera tek vlerësimi i botuar nga revista prestigjoze ”The Economist”, mbi përmirësimin e nivelit të demokracisë. Sipas kreut të qeverisë, një ndër arsyet kryesore të saj është Reforma Zgjedhore. ”Reforma elektorale, ajo reformë aq shumë e mallkuar nga disa palë vendas apo të huaj, konsiderohet si një prej arsyeve të kësaj rritje demokracie. Kemi hyrë në një klasë tjetër, ajo reforma që u tha se ishte një mënyrë për të kapur edhe zgjedhjet. Ajo reformë ka bërë që të respektohet adresa e votës, dhe të mos ketë më voto për njërin, nxirr tjetrin dhe në fund del një i tretë”,-tha Rama.

Pjesë nga fjala e Ramës

Deri në 2013 trendi i vlerësimit të indeksit të demokracisë ka rënë ndjeshëm. Pas 2013-ës është rritur. Është një vlerësim që shënon arritjen më të lartë të indeksit të demokracisë. Sjellë kalimin në një kategori tjetër. Jemi futur në të njëjtin klasë, me shtetet anëtare të BE-së. Vendet e tjera të rajonit renditen në kategorinë e regjimeve hibride. Shqipëria renditet në kategorinë e një demokracie të mirë. Kjo nuk është për të bërë garë dhe të themi se jemi më të mirë se ata. Duke qenë se vijmë nga më poshtë, vlerësimi i indeksit na bën që të kemi rritje. Në një kohë që shumë vende të tjera kanë përkeqësim gjatë pandemisë.

Akoma më e bukur për të bërë një vlerësim me ndihmën e një arbitri objektiv siç është ”The Economist” dhe për të bërë kontrastit mes mjegullës që krijohet nga tymi dhe nga balta, vlerësohet qeveria. Reforma elektorale, ajo reformë aq shumë e mallkuar nga disa palë vendas apo të huaj, konsiderohet si një prej arsyeve të kësaj rritje demokracie. Kemi hyrë në një klasë tjetër, ajo reforma që u tha se ishte një mënyrë për të kapur edhe zgjedhjet. Ajo reformë ka bërë që të respektohet adresa e votës, dhe të mos ketë më voto për njërin, nxirr tjetrin dhe në fund del një i tretë.

Fakti që Shqipëria pati fatkeqësinë e dyfishtë, përballimin në pak kohë të tërmetit dhe pandemisë e rrit dhe më shumë vlerën e këtij vlerësimi. Në kohë krizash, siç janë tërmeti dhe pandemia, ruajtja e mekanizmave që mbrojnë lirinë dhe të drejtat, bëhet më i vështirë. Dëmet janë të mëdha në njerëz dhe në burime financiare nga tërmeti dhe nga pandemia, sigurisht që prekin ekonominë, por mund të kenë pasojë që shtrihen dhe në vetë mekanizmin e sistemit demokratik.