Demokratët në Lezhë festojnë 26-vjetorin e PD, festë në çdo njësi

Në njësinë administrative të Shëngjinit, është festuar 26 vjetori i themelimit të PD. Demokratët e Lezhës pohuan që përvjetorët e krijimit do festohen në çdo njësi administrative si një mundësi për të qenë pranë anëtarësisë dhe për të përcjellë mesazhin e bashkimit.

Demokratet e Njësisë Administrative të Shëngjinit kanë kremtuar 26-vjetorin e krijimit të kësaj force politike.

Krahas drejtuesve në takimin festiv merrnin pjese themelues dhe të rinj që i janë bashkuar kësaj partie, çka përcolli mesazhin e bashkimit për një rezultat pozitiv në zgjedhjet e qershorit.

Kryebashkiaku i Lezhës Frrokaj dhe administratori i Shëngjinit, u  bënë thirrje të rinjve t’i bashkohet demokratëve, si partia e zërit të tyre.

Duke pranuar gabimet në të shkuaren, kreu i Partisë Demokratike Lezhë Paulin Marku tha se ka ardhur koha për të qenë sa më pranë qytetareve dhe anëtarësisë.

Ndryshe nga heret e tjera, këtë vit dega e PD-së në Lezhë do ta festoje përvjetorin e krijimit në çdo njesi Administrative, për të qenë sa më pranë anëtareve të saj.

/Oranews