Dënimi i Tahirit/ Alibeaj: Vërtetoi se qeveria e Ramës është e korruptuar, vendit i kushtoi damkën si “Kolumbia së Europës”

Kreu i grupit parlamentar të PD-së dhe nënkryetari i kësaj partie, Enkelejd Alibeaj thotë se me vendimin e Gjykatës së Apelit për të dënuar me 3.4 vite burg Saimir Tahirin, thotë se i dha të drejtën PD-së. Ai shton se ky dënim ka provuar që kryeministri Edi Rama dhe qeveria e tij janë të korruptuar.

”Për vite me radhë Edi Rama mohoi kanabizimin e Shqipërisë, mohoi lidhjet e tij dhe të deputetëve të tij me krimin, mbrojti “ministrin kampion” që e shndërroi policinë në rojtare të parcelave të hashashit, ndërsa vendit i kushtoi damkën si “Kolumbia së Evropës” dhe ngecjen në vendnumëro në procesin e integrimit.

Koha i dha të drejtë Partisë Demokratike, beteja jonë pakompromis në shërbim të interesit publik provoi se Edi Rama është i korruptuar.

Qeveria e tij është e korruptuar. Me këta në krye, Shqipëria nuk mund të ketë zhvillim. Shqiptarët duhet ta braktisin të shkuarën dhe të korruptuarit”.