Deputetë të PD debate me Gardën: Hapuni mor çuna

Sikurse edhe të hënën, tensione ka patur para dyerve të parlamentit, ende pa nisur seanca plenare.

Në hyrje të Kuvendit, Garda ka penguar disa deputetë të PD-së që janë të përjashtuar për disa ditë nga seancat plenare.

“O çuna hapeni mo rrugën”, dëgjohet teksa thotë deputeti Tomor Alizoti, ndërsa iu drejtohen punonjësve të Gardës duke iu thënë se nuk është e ligjshme kjo që po bëjnë dhe se po i përdorin.

Pamjet janë të siguruara nga gazetari Daniel Muçaku.