Ish-deputeti i PD-së, Myslym Murrizi lëshon akuza ndaj Rithemelimit sa i takon dialogut me PS-në për ngritjen e dy Komisioneve Hetimore në këmbim të rikthimit të normalitetit në Kuvend. Ai e konsideroi këtë marrëveshje si një humbje për opozitën dhe tërheqje të Rithemelimit nga paralajmërimet për mosbindje civile.
”Është një dhjaksje e të dyja palëve, dhe panë se i kishin hyrë detit në këmbë. Edhe këta revolucionarët që menduan se 20 shkurti ishte arritje e madhe se u emëruan Gazi dhe Gjekmarkaj. Kthimi në normalitet është një akt normal që të funksionojë të paktën pluralizmi.
Janë disa ligje nga amnistia, kodi zgjedhor për të cilët qeverisë i duhen votat. Edhe mazhoranca ka patur jo pak kamzhikë nga ndërkombëtarët për arrogancën dhe moslejimin e funksionimit normal. Opozita ka dalë e humbur . Unë e kam quajtur lëmoshë. Është tërheqje me turp nga mosbindja civile, nga revolucioni, nga ata militantë që i qëndrojnë me shpirt poshtë ballkonit për të mbështetur Berishën se është në burg”.
