Dhuratë nga qeveria për Ditën e Verës: Dita e premte do të jetë pushim për administratën

Nesër është Dita e Verës dhe për këtë qeveria ka marrë një vendim, që edhe dita e premte do të jetë pushim për administratën.

Lajmi u dha nga kryeministri Edi Rama përmes një postimi në rrjetet sociale, ku shton se nga ky vendim përfitojnë të gjithë punonjësit që nuk janë pjesë e funksioneve kritike.

”Me këtë vendim të Këshillit të Ministrave u japim mundësi të gjithë punonjësve të shtetit që nuk janë pjesë e funksioneve kritike, të marrin një ditë më shumë pushim mes Ditës së bukur të Verës dhe fundjavës që gjithësesi e kanë pushim! Gëzuar Ditën e Verës”,-shkruan Rama.