Dita e 4-të e barrikadave në veri të Kosovës, Lajçak: Unë jam pro diplomacisë, jo eskavatorëve

I dërguari i BE-së për dialogun Kosovë-Sebi, Mirosllav Lajçak, thotë se preferon rrugën diplomatike për heqjen e barrikadave në veri të Kosovës dhe jo atë përmes buldozerëve.

Për të situatat duhet të zgjidhen vetëm me marrëveshje politike. “Jam diplomat. Për mua mënyra më e mirë për t’i larguar barrikadat është si rezultat i një marrëveshjeje politike, jo me ekskavatorë”, tha ai. Ai konfirmoi edhe se do të takohet edhe me komandantin e KFOR’it dhe me shefin e EULEX’it.

Ai i ka bërë këto deklarata pas një takimi që ka zhvilluar në Prishtinë me kryeministrin e Kosovës, Albin Kurti dhe të dërguarin e Shteteve të Bashkuara për Ballkanin Perëndimor, Gabriel Escobar.