Donald Lu: Të ndihmojë të rinjtë të shmangin radikalizimin

Ambasadori amerikan Donald Lu ka nxitur komunitetin mysliman të luajë një rol më aktiv për parandalimin e ekstremizmit të dhunshëm. Donald Lu mori pjesë në konferencën e organizuar me titull “Parandalimi i Ekstremizmit të Dhunshëm dhe i Radikalizimit”, ku të pranishëm ishin pjesëtarë të komunitetit mysliman.

Ambasadori Lu u shpreh gjatë fjalës së tij se është shpresëplotë se përfaqësuesit e besimit islam mund të ndihmojnë të rinjtë të shmangin rrugën e radikalizimit dhe të dhunës në komunitet. Ambasada Amerikane­ vijoi Lu­ është e përkushtuar të punojë mbi këtë çështje në të gjitha nivelet me qeverinë, me të rinjtë dhe me udhëheqësit fetarë.

Puna kundër ekstremizmit të dhunshëm nuk është e lehtë. Do të kërkojë që çdo anëtar i komunitetit tuaj të punojë së bashku për të kundërshtuar mesazhet e rreme nga grupe të huaja radikale tha ndër të tjera ambasadori amerikan. Tani, ndërsa bota përballet me kërcënimet e analfabetizmit, diskriminimit, dhunës dhe shtypjes, është më e rëndësishme se kurrë që Islami të ndihmojë për të treguar rrugën për një botë më paqësore përfundon mesazhin ambasadori amerikan.

Ndërsa bota përballet me kërcënimet e analfabetizmit, diskriminimit, dhunës dhe shtypjes, është më e rëndësishme se kurrë që Islami të ndihmojë për të treguar rrugën drejt një bote më paqësore.”