Drejtësia- Paketa me 7 ligje javën e ardhshme në Kuvend

Sesioni parlamentar i Kuvendit do të përmbyllet të enjten e ardhshme me miratimin e paketës prej 7 ligjesh, që janë ligjet bazë dhe që e bëjnë të zbatueshëm projektin kushtetues, të votuar me unanimitet në parlament ne oret e para te mëngjesit te sotëm.

Ne kete pakete përfshihet pr/ligji “Për Gjykatën Kushtetuese”, ai “Për rivlerësimin e gjyqtarëve dhe prokurorëve”, pr/ligji “Per organizimin e gjyqësorit”; ai “Për organizimin e prokurorisë”; “Për organet e qeverisjes së sistemit te drejtësisë”, pr/ligji Për Organizimin e Pushtetit Gjyqësor”; pr/ligji “Per statusin e gjyqtareve dhe prokuroreve” dhe ai “Për organizimin dhe funksionimin e institucioneve për te luftuar korrupsionin dhe krimin e organizuar”.

Të 7 pr/ligjet kanë kaluar tashme në komisionin e posaçëm parlamentar dhe pritet t’í përcillen për miratitm séances së radhës së Kuvendit.

Reformimi i sistemit të drejtësisë ka diktuar nevojën e ndërhyrjeve në rreth 40 ligje, por 7 prej tyre konsiderohen me prioritaret dhe qe do te kalojne brenda ketij sesioni.