“Durrësi në pushtetin e ujit”, LSI nxjerr pamjet:  T’i japim fund dhunuesve dhe zhvatësve të qytetit

Lëvizja Socialiste për Integrim publikon pamjet nga përmbytjet e fundit në qytetin e Durrësit dhe deklaron se milionat e shpërdorura të betonit e të vjedhura nga “rilindja,” e kanë shkatërruar Durrësin.

Përmes rrjeteve sociale, kryetarja e LSI Durrës, Kontjana Kucci, shprehet se u desh pak shi dhe rrugët u mbuluan nga uji ndërsa Lungo Mare shumëmilionëshe prej betoni “u zgjua” mëngjesin e sotëm me pellgje uji dhe grumbuj të shumtë leshterikësh.

“Milionat e shpërdorura të betonit e të vjedhura nga “rilindja,” e kanë shkatërruar Durrësin tonë.

U desh pak shi dhe rrugët u mbuluan nga uji ndërsa Lungo Mare shumëmilionëshe prej betoni “u zgjua” mëngjesin e sotëm me pellgje uji dhe grumbuj të shumtë leshterikësh.

T’i japim fund dhunuesve dhe zhvatësve të qytetit tonë dhe më 25 prill t’ia kthejmë Durrësin banorëve”, shprehet në reagimin e saj Kontjana Kuçi, kryetare e LSI Durrës.