E vërteta e vizës së Petrit Vasilit në SHBA

“Zëri i Amerikës”, në një intervistë me kryetaren e LSI, Monika Kryemadhi mbrëmjen e sotme shtroi pyetjen hipotetike dhe të pakonfrimuar, nëse nënkryetarit të LSI, Petrit Vasili i është refuzuar viza për në Shtetet e Bashkuara të Amerikës.

“Koha Jonë” ka siguruar dokumentin që vërteton se Petrit Vasilit jo vetëm nuk i është refuzuar viza, por pak muaj më parë ka udhëtuar normalisht drejt Shteteve të Bashkuara të Amerikës.

Ndërkohë ka ardhur dhe reagimi i Vasilit, i cili ka përgënjeshtruar lajmin. Ai thekson se që prej vitit të kaluar nuk ka aplikuar për një vizë amerikane.

Po ashtu, ai thekson se ka qenë disa herë në SHBA i pajisur me vizë zyrtare A2. Ai tregon se vizita dhe kërkesa e fundit për vizë ka qenë në qershor të 2018 .

“Ju sqaroj që kam qenë disa herë radhazi në Amerike i pajisur gjithmonë me vizë zyrtare A2 duke filluar nga pjesëmarrja në ceremoninë e inaugurimit të Presidentit Trump në janar 2017 dhe më pas edhe në dy vizita të tjera të njëpasnjëshme.
Vizita e fundit dhe kërkesa e fundit për pajisjen me vizë ka qenë në qershor të vitit 2018 në vizitën e zj.Kryemadhi në Washington ku sërish kam udhëtuar me vizë A 2”, deklaron Vasili për “BW”, -tha Vasili.

Fotoja më poshtë e pasaportës së Petrit Vasilit konfirmon udhëtimin e Vasilit dhe marrjen e vizës për në SHBA. I pyetur nga “KJ” nëse pa kësaj vize amerikane ai ka aplikuar për vizë tjetër, ai u përgjigj “Jo”.