EDI RAMA: GRATË NË QENDËR TË AGJENDËS GLOBALE 2030

Në takimin për Barazinë Gjinore dhe Fuqizimin e Gruas, me ftesë nga Presidenti i Kinës Xi Jinping në kuadrin e Samitit për Zhvillimin e Qëndrueshëm të OKB, Shqipëria u duartorkit si një shembull pozitiv arritjesh të prekshme në këto dy vitet e fundit lidhur me përfaqësimin e grave në vendimmarrjet politike e publike. Përfaqësimi i grave në parlament dhe në qeverinë kombëtare, që në këto dy vite ka arritur nivele të panjohura më parë; si edhe fakti që në zgjedhjet e fundit vendore, Shqipëria zgjodhi 50% gra dhe 50% burra në çdo këshill bashkiak, e vendosin vendin tonë në një pozicion të respektuar botërisht.