Edi Rama jep lajmin: Drejt përfundimit Parku “Dua të Luaj” në Berat

“Drejt përfundimit parku më i ri i Beratit, pjesë e rrjetit kombëtar “Dua të Luaj”, një hapësirë e shumëpritur nga banorët por dhe për turistët e shumtë që ndalen në qytetin e UNESCO-s”, bën me dije përmes një postimi që ka bërë në mediat sociale Rama.

Ky projekt konsiston në ndërtimin e këndeve që mundësojnë zhvillim të aftësive motorike të fëmijëve të moshave të ndryshme dhe që aksesohet nga të gjithë; rimodelimin apo përmirësimin e këndeve të lojërave ekzistues të degraduar, me qëllim rritjen e aksesit dhe bashkëveprimin me elementet natyrorë; si dhe krijimin e infrastrukturave të cilat ndikojnë në sigurinë për grupmoshat 0-14 vjeç, si p.sh., sinjalistikë në infrastrukturën rrugore, barriera dhe hapësira urbane rrethuese në këndet ekzistuese, etj.