Kryeministri i Shqipërisë, Edi Rama, ka zhvilluar një vizitë zyrtare në Bavari, ku është pritur nga Kryeministri bavarez, Markus Söder. Përmes një postimi në rrjetin social Facebook, Rama ka ndarë detaje nga takimi, duke e cilësuar Söder si “një mik të çmuar” dhe theksuar rëndësinë e marrëdhënieve mes Shqipërisë dhe këtij landi gjerman.
“Të ftuar nga Kryeministri i Bavarisë, Markus Söder, një mik i çmuar me të cilin kemi ndërtuar marrëdhënien e një partneriteti të posaçëm mes Shqipërisë dhe Bavarisë,” shkruan Rama në postim, duke e shoqëruar me pamje nga takimi.
Vizita vjen në një moment kur Shqipëria është gjithnjë e më e angazhuar në ndërtimin e marrëdhënieve të forta me partnerë strategjikë europianë, ndërsa Bavaria mbetet një prej zonave më të zhvilluara dhe më influente në Gjermani.