Edi Rama në Vlorë si deputet

Nga Edi Rama.

Një tjetër hap i rëndësishëm në rrugën e Rilindjes së shëndetësisë. U çel në Vlorë, Qendra e parë moderne e Hemodializës në shërbimin publik shëndetësor. Pacientët në nevojë për këtë shërbim jetik tre herë në javë, deri dje ishin të detyruar të merrnin rrugën të shoqëruar nga një anëtar i familjes për ta bërë dializën edhe gjatë turnit të tretë në Tiranë ose Fier. Jeta e tyre dhe e familjarëve ishte një ferr i përjavshëm që tanimë e kanë lënë pas krahëve. Më tej ky rrjet qendrash moderne do të shtrihet në Korçë, Shkodër, Lezhë e hap pas hapi me shpejtësi, në të gjithë Shqipërinë. Deri dje paguheshin nga shteti 90 euro për seancë e për një shërbim shumë më të dobët, me tre turne, larg vendbanimit të këtyre qindra njerëzve e familjeve me këtë hall të madh mbi kokë.

Me projektin tonë të ri në partneritet me privatin që ka investuar për shërbimin brenda spitaleve publike, Shteti i paguan privatit 10 euro më pak se dje (80 euro) për kthimin e investimit, ndërsa pacientët marrin një shërbim të çertifkuar të standardeve europiane. Ky është një nga ato “koncesionet” e kriminalizuara nga propaganda gojështhurrur e atyre që e lanë Shqipërinë të rrënuar dhe shëndetësinë në krizën më të rëndë historike, ndërkohë që siç tregojnë shembujt e gjithë vendeve të Europës, partneriteti publik – privat është çelësi i suksesit në fuqizimin e shërbimit shëndetësor shtetëror.
‪#‎Rilindje‬
‪#‎ShqipëriaeGjeneratësTjetër‬
‪#‎QentëLeTëLehinKarvaniDoEcëPërpara‬.