Endri Shabani nga ”Nisma Shqipëria Bëhet”: 6 pikat tona, do të prishim rrjetin e merimangës

Koalicioni ”Nisma Shqipëria Bëhet”, zhvilloi një takim elektoral në zonën e “Ali Demit”. Kryetari Endri Shabani tha se duhet prishur rrjeti i merimangës që ka zaptuar Tiranën dhe Shqipërinë.

”Në këtë lagje, kam parë prindërit e mi që thonin Shqipëria si gjithë Europa. Tani edhe më pesimisti nuk e mendon kështu. Po çfarë i mungon Shqipërisë të ishte si Sllovenia apo vendet baltike? Rrjeti i merimangës ka penguar gjithçka. Nuk është një parti, por një rrjet që ka kapur gjithçka, rasti më tipik është Ali Demi. Fijet e krimit dhe të fortëve morën fushën dhe i bën pallate. Këtu ishte tregu elekrik, por erdhi rrjeti i 5D që ndërhyri.

Si mund ta presim rrjetin e merimangës? Kemi një mision për të marrë 6 nisma. Kemi çuar në burg deputetë e ministra, duam ta shpërbëjmë këtë rrjet me këta nisma.

1-Në ekonomi do të anulojmë ligjin për kontrata strategjike.

2-Do të anulojmë e PPP

3-Vetëm dy mandate dhe largim

4-Decentralizimi i arsimit, drejtorët me meritokraci jo emërim

5-Sigurinë shëndetësore, me siguracion ku trajtohen të gjithë

6-Plan urbanistik me referendum, taksim zero për familjet e reja”,-tha Shabani.