“Energjia”, Peleshi inspekton aksionin në Kombinat: Vijon “lufta”

Zëvendëskryeministri bëri një ndalese në zonën e Kombinatit në kryeqytet, ku OSHEE kishte ndërprerë një numër lidhjesh të paligjshme duke çuar dhe në ndalimin e pronarit të njërit prej bizneseve.

Ai përshëndeti punonjësit e OSHEE dhe të Policisë së Shtetit për punën e tyre duke deklaruar se aksioni i filluar ditët e fundit nuk ka si synim thjesht ndaljen e vjedhjes për arsye ekonomike e financiare, por edhe vendosjen e barazisë përpara ligjit dhe dhënien fund situatës së paligjshmërisë që ka mbizotëruar në sektorin e energjisë për vite me radhë.

Peleshi inkurajoi punonjësit që të vazhdojnë punën e tyre, duke i siguruar për mbështetjen e qeverisë dhe duke i garantuar se lufta ndaj abuzimit në këtë sektor nuk ka për të ndalur.