Drejtuesi politik i PD për qarkun e Beratit, Enno Bozdo thotë se tashmë do të kemi protesta, denoncime dhe një rrugë pa kthim në raportin e marrëdhënieve me qeverinë. ”Djegia e karrigeve ishte metaforike, besoj që zemërimi i parlamentarëve, i deputetëve të PD ka qenë mëse i justifikuar duke para se çfarë ndodhi me deputetin tjetër tonin, Ervin Salianjin. Është i vetmi deputet që burgoset për diçka që ai praktikisht nuk e ka bërë. Qeveria teknike do të vijë nga rezistenca e PD.
Njerëzit në sheh do dalin për akuzën e PD. Pak nga pak do t’i fitojmë këto beteja të vështira. Kjo parti e ndodhur në këtë lloj agresioni, ka kaluar krizën e saj më të rëndë. Ne merremi me qytetarët kur denoncojmë çdo skandal, ku çojmë hajdutët përpara drejtësisë, kur i tregojmë me gisht ministrat. Këto bëhen për interesin publik, sa herë goditet një skandal korruptiv”, tha Bozdo për A2 CNN. Për të pjesëmarrja e qytetarëve në protestën e 7 tetorit dhe rrjedha që tubimi, i projektuar si një format i mosbindjes civile, do të marrë, do të shërbejë për të definuar rrugën që PD do të ndjekë në përballjen me regjimin.
”Do shohim çfarë do sjellë protesta e 7 tetorit. Do përshkallëzohet edhe më tej qëndrimi ynë në Parlament. Pavarësisht se çfarë instrumenti ti gjen, bllokon rrugët, proteston, bën disa protesta simbolike, se sasia e njerëzve në këto kushte është e rëndësishme. Pyetja që shtrohet është a do bëjë PD, çfarë do që është e nevojshme për ta bërë qoftë edhe me shumë sakrifica personale. Pra a do marri përsipër PD, demokratët dhe qytetarët t’i shkojnë deri në fund kësaj gjëje. Unë besoj se ky është çasti ku të gjithë shohin njëri-tjetrin në sy dhe thonë këtu nuk kemi asgjë për të humbur. Ne nuk kemi çfarë të humbim”.
