Erion Veliaj fiton përfundimisht gjyqin ndaj kunatit të Bashës, Erion Isufi

Kryebashkiaku Erion Veliaj ka fituar përfundimisht betejën gjyqësore me kunatin e kryetarit të PD-së Lulzim Basha, Erion Isufi.

Gjykata e Posaçme e Apelit ka vendosur të hedhë poshtë akuzat për shpifje të Isufit për Erion Veliajn.

Isufi e kishte paditur Veliajn më shumë se një vit më parë për shpifje, për pronësinë e 4 vilave në resortet luksoze në Gjirin e Lalzit dhe në Long Hills në Tiranë.

Gjykata e Posaçme të Apelit nuk arriti të provonte dot se deklaratat e një viti më parë të Veliajt, se Lulzim Basha zotëron 4 vila dhe kishte aplikuar në bashki për vilën e 5-të, ishin të pavërteta.

Ky vendim i Gjykatës së Posaçme të Apelit, e cila njësoj si SPAK hodhi poshtë pretendimet e kunatit të Bashës, në fakt, vërteton indirekt se deklaratat e Veliajt ishin të sakta dhe se vilat në fjalë ekzistojnë.