Erion Veliaj reagon për tragjedinë e Tetovës: Ngushëllimet më të ndjera nga Tirana, shërim të shpejtë të plagosurve

Kreu i bashkisë së Tiranës, Erion Veliaj, u është bashkuar mesazheve ngushëlluese për jetët e humbura nga zjarri në spitalin Covid në Tetovë.

Përmes një mesazhi në rrjetet sociale, Veliaj shpreh ngushëllimet për jetët e humbura në Tetovë, u uron shërim të shpejtë të plagosurve dhe jep mbështetjen për ekipet e emergjencave.

“Ngushëllimet më të ndjera nga Tirana qytetarëve të Tetovës për jetët e prekura nga shpërthimi i zjarrit në spitalin modular.

Shërim të shpejtë të plagosurve, kurajo ekipeve të emergjencave dhe kolegëve tanë Teuta Arifi, Artan Grubi, Ali Ahmeti dhe autoriteteve të Maqedonisë së Veriut”, shkruan Veliaj.