Flakë gjigante e shtëllunga tymi! Përfshihet nga zjarri fabrika e peshkut në Lezhë

Flakë gjigante dhe tym i zi ngado në të gjithë Lezhën.

Një zjarr ka përfshirë magazinat e përpunimit të peshkut në Lezhë. Ngjarja ka ndodhur rreth orës 6 të mëngjesit dhe vijon të jetë aktiv!

Policia dhe zjarrfikëset kanë mbërritur menjëherë në vendngjarje dhe po bëjnë të mundur fikjen e zjarrit.

Flakët kanë rënë në një nga zonat ku bëhet përpunimi.

Mësohet se një prej zjarrfikësve është shoqëruar për në spital, ndërsa ende nuk dihet gjendja e tij shëndetësore!

Si pasojë e flakëve, policia njofton se është devijuar trafiku në autostradën Lezhë-Laç dhe është zhvendosur në rrugë dytësore.

Njoftimi i policisë:

Rreth orës 06:30, në dalje të qytetit të Lezhës, ka rënë zjarr në fabrikën e peshkut. Nuk ka dëme në njerëz, vetëm dëme materiale.

Shërbimet e Policisë dhe të zjarrfikëses në vendngjarje, punojnë për shuarjen e flakëve. Si pasojë e tymit është devijuar trafiku në qytet dhe në rrugë dytësore.