Foto-galeria/ Presidenca hap dyert për kremtimin e 101 vjetorit të Tiranës Kryeqytet

Shoqata “Tirona Intellectum” ka publikuar një album fotografik nga ceremonia e kremtimit të 101 vjetorit të Tiranës Kryeqytet, që u zhvillua në Presidencë, nën mikpritjen e Presidentit të Republikës, Ilir Meta.

“Kremtimi i 101 vjetorit të Tiranës Kryeqytet, në Presidencë, nën mikpritjen e Presidentit të Republikës, ku “Tirona Intellectum” ishte e ftuar, së bashku me shoqatën “Tirana” dhe “Bashkësia Dibrane”, në një event dinjitoz, ku në një atmosferë autentike mes pikturash dhe kostumesh të trevës sonë, përmes fjalimeve nga studiues e të ftuar, u përkujtua ajo ditë e bekuar historike kur qyteti jonë me 11 shkurt 1920 u shpall Kryeqytet (i përkohshëm) i Shqipërisë!”, thuhet në faqen zyrtare të Shoqata “Tirona Intellectum”.