FOTO/ Nebijaj dhe Doda dorëzojnë formularët e vetëdeklarimit në KQZ. Në cilin grup do jenë në PD?

Orjela Nebijaj dhe Petrit Doda kanë dorëzuar formularët e vetëdeklarimit në Komisionin Qëndror të Zgjedhjeve, si procedurë për marrjen e mandatit të deputetit në rradhët e Partisë Demokratike. Moderatorja e njohur merr mandatin që la Grida Duma, kurse Doda atë të Alfred Rushajt, i cili e dorëzoi mandatin në heshtje të plotë.

“Në përgjigje të interesit tuaj, ju informojmë se z.Petrit Doda dhe zj.Oriela Nebiaj e dorëzuan formularin e vetëdeklarimit në KQZ. Formularët e vetëdeklarimit do të publikohen sipas procedurave përkatëse në faqen zyrtare të internetit të KQZ”,-thuhet në njoftimin e bërë nga Komisioni Qëndror i Zgjedhjeve.

Tashmë pritet verifikimi nga ana e KQZ-së, dhe në seancën e ardhshme plenare, do ti shohim si deputetë në Kuvendin e Shqipërisë. Ajo që do të shihet me interes, është se në cilin grup do të jenë, në të Alibeajt, apo të Berishës.