Gazment Bardhi: Kjo është një fitore politike e Sali Berishës që luftoi, luftoi, luftoi dhe e fitoi!

Kreu i Grupit Parlamentar të PD, Gazment Bardhi ka reaguar pas lirimit të Sali Berishës nga arresti shtëpiak.

Ai u shpreh se revokimi nga GJKKO i masave kufizuese ndaj Berishës ëshstë vendimi i duhur ligjor dhe nën frymën, standardin dhe logjikën e vendimit të disa ditëve më parë të Gjykatës Kushtetuese.

Bardhi e cilësoi lirimin si një fitore politike të Sali Berishës, i cili sipas tij luftoi dhe e fitoi.

Reagimi i Bardhit:

Revokimi nga GJKKO i masave kufizuese joproporcionale ndaj Sali Berishës është vendimi i duhur ligjor dhe nën frymën, standardin dhe logjikën e vendimit të disa ditëve më parë të Gjykatës Kushtetuese. Çdo ditë vonese do të ishte një sulm politik i drejtësisë ndaj kundërshtarëve të regjimit të Edi Ramës, me qëllim pengimin e aktivitetit politik të tyre në funksionalitet të plotë të betejës së opozitës.

Afërsisht 1 vit pengesë antikushtetuese e aktivitetit politik të Liderit të opozitës është mjaftueshmërisht e rëndë për të toleruar të bëheshin më shumë! Kjo është një fitore politike e Sali Berishës që luftoi, luftoi, luftoi dhe e fitoi!