Gjendja në spitalet e Europës dhe në Shqipëri, Rama: Opozita si një çetë KÇK-je

Kryeministri Edi Rama, përmes një videoje ku paraqitet situata e rëndë në spitalet e vendeve të Europës. Duke krahasuar situatën e pandemisë në spitalet e Europës me atë të Shqipërisë, Rama ka krahasuar edhe sjelljen e opozitave në këto vende me opozitën në Shqipëri. Ai ka akuzuar opozitën se po përhap panik dhe sipas tij ajo është helm dhe dëshpërim për njerëzit.

Postimi i plotë

Pse opozitat në këto vende nuk janë tërbuar si opozita e LuliMoniSalikes? Sepse opozitat janë frymëmarrje për shoqërinë, jo helm për njerëzit; janë dritare shprese, jo puseta dëshpërimi; janë marrje përgjegjësie, jo shfaqje papërgjegjshmërie! Opozitat janë frymë kritike, jo gërrhima e gromësima katastrofike! Dhe një opozitë si kjo e MoniLulikeSaliut, që ka kapur e përdor edhe vetë Covidin si aleat, për të tmerruar popullin me shpifje e dizinformim, sot kur populli gjendet nën sulmin e virusit vdekjeprurës, është turpi i kujtdo që e mbështet.