Gjermani, CDU/CSU dhe SPD e Scholz arrijnë marrëveshje për qeveri

Dy javë pas zgjedhjeve federale, krerët e CDU/CSU dhe SPD kanë arritur marrëveshje. Kjo për çështjet qendrore dhe tani duan të fillojnë negociatat konkrete të koalicionit për formimin e qeverisë.

“Ne kemi arritur marrëveshje për një sërë çështjesh thelbësore”,-tha kreu i grupit parlamentar të CDU/CSU, Friedrich Merz pas raundit vendimtar të konsultimeve në Berlin.

Palët ranë dakord për refuzimin e azilkërkuesve në kufi, një kërkesë thelbësore e Unionit, për të cilën SPD kishte kohë që kishte rezerva. Kontrollet kufitare duhet të zgjerohen “masivisht”.

Për të stimuluar ekonominë, CDU/CSU dhe SPD duan të krijojnë stimuj për investime dhe të iniciojnë një reformë tatimore të korporatave. Përveç kësaj, shtesa e qytetarëve duhet të reformohet.