Gjiknuri: Krenar për socialistët në Vlorë, tani suksesin ta përcjellim në gjithë Shqipërinë!

Sekretari i Përgjithshëm i Partisë Socialiste Damian Gjiknuri ka reaguar në rrjetet sociale, duke falënderuar skuadrën me të cilin punoi në Vlorë. Ai është shprehur i gatshëm për detyrën e re, të cilin ja ka ngarkuar kryeministri Rama.

“Krenar për skuadrën e Partisë Socialiste në Vlorë, të cilën pata fatin ta drejtoj dhe kënaqësinë të bashkëpunoj për një periudhë pesëvjeçare. Gra e burra, djem e vajza me të cilët arritëm rezultat rekord në dy palë zgjedhje parlamentare, duke marrë 8 mandate deputetësh dhe shënuar fitoren më të thellë, për Partinë Socialiste në rang vendi.

Votën dhe besimin që na dhanë qytetarët për të qeverisur ne e kthyem në një paketë investimesh prej 1 miliard euro, të cilat transformuan plotësisht Qarkun e Vlorës. Tani është koha që energjinë dhe frymën, që me sukses e krijuam në Vlorë, ta përcjellim në gjithë Shqipërinë”, ka shkruar Gjiknuri.