Gjosha: Një marrëveshje historike mes Kosovës dhe Serbisë ajo e firmosur sot në Uashington

Ish-ministrja e Integrimit Klajda Gjosha përshëndet marrëveshjen për normalizimin e marrëdhënieve ekonomike të Kosovës me Serbinë, e nënshkruar sot me ndërmjetësimin direkt të Presidentit të SHBA-ve, Donald Trump.

“Një marrëveshje historike mes Kosovës dhe Serbisë është firmosur sot në Ëashington. Nuk është rastësi as njohja e Kosovës në të njëjtën ditë nga Izraeli, duke lënë të nënkuptohet se do të shkohet shpejt drejt njohjes së Kosovës edhe nga Serbia! Dita e sotme do t’i shërbej stabilitetit, paqes dhe bashkëpunimit mes Kosovës, Serbisë dhe gjithë Ballkanit Perëndimor”, shprehet Gjosha.