Kryemadhi: SPAK-u një vegël e Ramës

Deputetja e Partisë së Lirisë, Monika Kryemadhi mbështet bashkëshortin e saj, kryetarin e PL-së Ilir Meta në sulmet e tij ndaj SPAK. “Në çdo fjalë që ka thënë Meta për kapjen e drejtësisë nga qeveria jam dakort”, tha Kryemadhi.

Ajo vijoi më tej me akuza ndaj SPAK. ”SPAK është vegël e Ramës dhe beteja jonë nuk është me SPAK. Ju duket normale ju që gazetat e Erion Veliajt hapin faqen me njoftimin e SPAK-ut. Më shumë se ç’më ka sulmuar Rama e Veliaj pse nuk ju dhimbset kjo ju. Meta më ka sulmuar si politikane, jo si bashkëshorte”, shtoi Kryemadhi.

Pyetje: Si i komentoni deklaratat e Metës për luftë ndaj nepotizmit brenda PL-së dhe që nuk do ketë familjarë të drejtuesve të partive?

Kryemadhi: Në 2003 PS ndryshoi statutin për të larguar Kryemadhin nga PS, thoshte o Monika o Ilir Meta në drejtimin e PS. Në 2004 kur u themelua LSI, grupi themelues dhe pse Monika ishte një nga firmëtarët, bënë statutin që nuk lejohet burrë dhe grua në parti. Pas dy vitesh e ndryshuan prapë. Meritokracinë në një parti nuk e mbyt dot nepotizmi. Nepotizmi është për institucionet shtetërore ndërsa deputeti zgjidhet me vota, mund të të emërojë meta deputet po problemi është se nuk të zgjedhin njerëzit.

Pyetje: Jeni ndjerë e sulmuar nga bashkëshorti juaj?

Kryemadhi: Mua më shumë sesa më ka sulmuar Rama dhe Veliaj. Pse nuk u dhimbset kjo ju? Bashkëshorti nuk më ka sulmuar si bashkëshorte, por si politikane. Ju ka ardhur keq juve që Veliaj ka paditur në SPAK mamanë time dhe fëmijët e mi. Ilir Meta më ka sulmuar si politikane, jo si bashkëshorte.

Pyetje: Do kandidoni për Presidente te PL?

Kryemadhi: Unë kandidoj me mendime jo me kandidatura.