Gjykata e Apelit shpall të pafajshëm Ervin Salianjin

Deputeti i Partisë Demokratike, Ervin Salianji ka fituar gjyqin në Gjykatën e  Apelit ndaj Evi Kokalarit.

Apeli rrëzoi sot vendimin e Gjykatës së Shkallës së parë që e kishte dënuar Salianjin për fyerje, duke e rrëzuar këtë akuzë dhe shpallur atë të pafajshëm. Salianji ishte dënuar me 50 mijë lekë.

‘‘Një që ka ngjitur në Foltore Berisha, është si Shën Eleonora që e mbante veten për të shenjtë, një që ka gjithë elementët e skizofrenisë dhe ajo nuk mund të bëjë copë asnjë njeri, pasi nuk bën copë një njeri që është në këto përmasa, e zhytur shumë në këto fekalet, nuk bën dot. Janë njerëz pa përfaqësim. Kokalari është një emigrante e papunë, bashkëshorti i saj është i përfshirë në partinë Agimi i Artë, i financuar nga qarqe antishqiptare. Janë njerëz më shumë se të shpifur, nuk kanë asnjë kontribut në PD”, shprehej Salianji për Evi Kokalarin.