Gjykata e Lartë pranon kërkesën e Saimir Tahirit, çështja kthehet sërish në Apelin e Posaçëm

Gjykata e Lartë ka vendosur të pranojë rekursin për ish-ministrin e Brendshëm, Saimir Tahiri dhe çështja kthehet në Gjykatën e Posaçme të Apelit.

Tashmë Tahiri do të rigjykohet nga Shkalla e Dytë e cila do të marrë një vendim përfundimtar.

Pas përfundimit të seancës, ish-ministri Tahiri dha këtë koment të shkurtër: “Do ndjekim procedurën dhe do shkojmë në apel përsëri”.

Ndërkohë nga ana tjetër, Gjykata e Lartë ka rrëzuar kërkesën e ish-drejtorit të Policisë Vlorë, Jaeld Cela për t’u liruar.