Gjykata e Lartë vendos sot: Dosja e “21 janarit” në SPAK apo në Prokurorinë e Tiranës

Në Gjykatën e Lartë shqyrtohet sot kërkesa e familjarëve të Aleks Nikës, të cilët kërkojnë që dosja e “21 janarit” t’i kalojë SPAK. Seanca gjyqësore do të zhvillohet sot në orën 13:00 me trupin gjykues Ilir Panda, Sokol Binaj dhe Sandër Simoni.

Në seancë do të jenë të pranishëm edhe palët, pra të familjes Nika dhe të përfaqësuesve të SPAK.

Do jetë Gjykata e Lartë që me një vendim urdhërues do të vendosë nëse hetimet do t’i vijojë Prokuroria e Tiranës apo do t’i kalojnë SPAK, për të hapur një hetimin të posaçëm për atë që Gjykata e Strasburgut e quajti krim shtetëror.