Heqja e vizave për Kosovën, Kryemadhi: Vendimi duhej të ishte marrë shumë më herët

Kryetarja e Lëvizjes Socialise për Integrim, Monika Kryemadhi ka mirëpritur vendimin e Parlamentit Evropian për miratimin e rekomandimit për liberalizimin e vizave për kosovarët.

“Lajm i jashtëzakonshëm për Kosovën dhe qytetarët e saj. Parlamenti Europian i hap dritën jeshile liberalizimit të vizave për Kosovën, duke dhënë kështu një mesazh të qartë të perspektivës së saj europiane.

Kosova në gjithë sakrificat e saj do duhej t’i ishte bashkuar shumë më herët të drejtës për të lëvizur të lirë e pa barriera.

Uroj që edhe Këshilli Europian të miratojë sa më parë këtë rekomandim të Parlamentit Europian, për t’i hapur rrugë më pas bashkëpunimit të mëtejshëm të rajonit tonë me Bashkimin Europian”- shprehet kryetarja e LSI-së, Monika Kryemadhi, në reagimin e saj.