Ilir Beqaj reagon për përgjimin: Drejtori shkeli ligjin. Paguante një person që s’ishte në punë

Politikë E Mërkurë, 5 Maj 2021 11:10

Ministri Ilir Beqaj ka reaguar për përgjimin e transmetuar në emisionin STOP. Ai thotë se Drejtori është shkarkuar për të tjera arsye nga sa pretendohet. “Shkelja në fjalë ishte se i ka paguar rrogën për tre muaj personit në detyrën e ekonomistit, i cili që nuk ka qenë fare në Shqipëri gjatë kësaj kohe”,- shkruan Beqaj në Facebook.

Reagimi i Ilir Beqajt:

Po, ajo çka është inçizuar dhe transmetuar sonte si një “skandal” i madh, është e vërtetë, por jo e gjithë e vërteta. Sepse, faktikisht, zotëria nuk është larguar nga puna si anëtar i padisiplinuar i PS-së dhe as është larguar me kërkesën time.

Por, është larguar pasi është kapur në shkelje flagrante të ligjit.

Shkelja në fjalë ishte se i ka paguar rrogën për tre muaj personit në detyrën e ekonomistit, i cili që nuk ka qenë fare në Shqipëri gjatë kësaj kohe.

Kështu që, duke shprehur keqardhjen që “u mbars mali e polli një mi”, si dhe duke i siguruar teleshikuesit apo lexuesit e gjysëminformuar mbi këtë episod, se hakmarrja e asnjëlloj natyre nuk është as pjesë e kulturës sime shoqërore, apo aq më pak e edukatës sime familjare, mbetem i përkushtuar në realizimin e objektivave të Qeverisë në sektorin ku kam nderin të drejtoj si ministër i shëndetësisë.

http://www.kohajone.com/2016/11/16/ironia-e-patozit-suksese-ne-jete-ilir-beqja/

http://www.kohajone.com/2016/11/16/suksese-ne-jeteilir-beqja-pushon-drejtorin-pasi-mungoi-ne-mbledhjen-e-ps/