Incidenti i parë i zgjedhjeve, grushta mes demokratëve në Durrës

Procesi i votimit në Durrës ka nisur me sherr. Është shënuar kështu edhe incidenti i parë me përplasje fizike në zgjedhjet e pjesshme vendore.

Përplasja ka ndodhur mes përfaqësuesve të koalicionit “Shtëpia e Lirisë” dhe komisionerit të PD-së Fatri Mezini, ku janë goditur me grushta.

Mezini pohon se është provokuar nga “personat e jashtëm të PD-së”. Gara mes Bashës dhe Berishës, ka zbritur tashmë edhe në radhët e përfaqësuesve në këto votime të pjesshme lokale.

Grushtat këtë herë do të jenë mes kampit të opozitës. PS-ja rri e vështron dhe fërkon duart.