Ish-kreu i KQZ, Kristaq Kume: PD-ja e përçarë i jep PS-së fitoren në tavolinë në bashkitë e djathta

Ish-kreu i KQZ-së, Kristaq Kume thotë se mazhoranca mund të dalë fituese dhe në ato bashki të djathta, duke marrë parasysh përpaçarjen brenda Partisë Demokratike.

“Çfarë thotë Kodi zgjedhor? Mund të kesh kandidatët e tu dhe nëse ligji të jep të drejtën të kesh dhe komisioner, është ajo parti politike e cila është regjistruar në gjykatën e Tiranës dhe në emër të asaj partie vepron ai që është regjistruar. Nëse situata në gjykatë nuk ndryshon natyrisht nuk ka mundësi tjetër përveçse të vijohet me këtë taktikë. Kjo është situata më e keqe për opozitën sepse dhe grupi i Bashës ka kandidatin e vet dhe vota e demokratëve do të ndahet. Që në tavolinë, do të fitojë mazhoranca”, tha Kume në ABCnews.