Ish-ministri i PS, Elmaz Sherifi: Rama ka lajthitur shpeshherë, duke dalë kundër interesave kombëtare

Nga Elmaz Sherifi

“Avokat i kujt jeni ju kryeministër”?
Mund të ndodhë, që edhe kryeministri, mund të lajthisë ndonjëherë. Por, kryeministri i Shqipërisë, po lajthit shpesh herë, duke dalë kundër interesave kombëtare.
Fillimisht u vu në krah te Vuçiçit, për shkëmbimin e territoreve shqiptare, midis Serbisë dhe Kosovës. A ju kujtohet si shprehej? Për të qenë të saktë, le të jepen kronikat televizive, ku kryeministri i Shqipërisë i jepte të drejtë Presidentit të Serbisë Vuçiç, të mbronte të drejtat e Serbisë. Dhe Vuçiç ka ditur t’i mbroje dhe i mbron te drejtat e Serbisë. Por kryeministri ynë, perse bën avokatinë e Vuçiç ?
A nuk ishte edhe ai për ndryshimin e kufijve? O sot o kurrë deklaronte atëherë në një emision televiziv, në mbështetje të Presidentit Thaçi.
Koha lëvizi me shpejtësi. U vërtetua se projekti i ndryshimit te kufijve, nuk ishte i SHBA, si pretendonte kryeministri ynë. E deklaroi vetë ish-Këshilltari i Bolton. As Thaçi nuk është me kryetar i delegacionit.
Me statusin e kryetarit të OSBE, kryeministri ynë i dha te drejte edhe Misotakis për kufijtë detarë. E pabesueshme, si mund të marrë rolin e avokatit të kryeministrit të Greqisë, kryeministri i Shqipërisë!
Nuk ka marrëveshje, ligjëron avokati i Micotaqis? Po, perse edhe pas 8 vjetëve në pushtet, nuk e zgjidhi konfliktin avokati ynë, por i jep të drejtë Micotaqis ?
Vulën e avokatit kundër interesave kombëtare kryeministri ynë e vuri me deklaratën ne serbisht për të votuar partinë e Gjukanoviç edhe shqiptarët !
Marri e madhe e kryetarit të OSBE! Doli hapur, kundër interesave kombëtare dhe kundër parimit të mosndërhyrjes në procesin zgjedhor.
Shqiptarët e Malit të Zi u befasuan nga deklarata e tij. Një nga drejtuesit e një koalicioni, Muhamed Zenka denoncoi mbrëmë në një emision televiziv ndërhyrjet kërcënuese te foshnjarakut që kryen funksionin e ministrit të jashtëm.
Fatmirësisht shqiptaret e Malit te Zi nuk ia varën këshillës së avokatit të Gjukanoviç, dhe fituan dy deputetë e ndikuan që të mos fitojë shumicën absolute, për të bërë qeveri partia e Gjukanoviç.
Avokat, mision të vështirë ke marrë, dhe mrekullisht, po dështon në çdo avokati!