Ish-ministri i PS, Elmaz Sherifi: Rama një sulltan tiran, që qeveris me oligarkët në një anarki institucionale

Nga Elnaz Sherifi, ish-ministër i PS

“Qeveria është njësuar me qeverisjen”!

Qeverisja e Ramës, si Leviantani i Hobsit.

Nëpër disa studio televizive bëhet pyetja: A është diktator Rama?
Të bësh këtë pyetje në një vend ku pretendohet se funksionon demokracia parlamentare dhe pushtetet e shtetit janë të ndara, të balancuara dhe kontrolluara në mënyrë kushtetuese, ose je i mangët teorikisht, ose pohon realitetin, të maskuar me pyetje.
Realitet është se Rama, është qeveria dhe qeveria e tij është njësuar me qeverisjen. Pra, ka një pushtet individual e aspak pushtetet e shtetit të së drejtës.
Kush nuk e kupton ose nuk dëshiron ta pranojë këtë të vërtetë, se si funksionon qeverisja në Shqipëri ose i shërben Ramës.
Le të kujtojmë disa momente madhore, që të reflektohet.
Parlamenti miraton pikë për pikë urdhrat që lëshon publikisht kryeministri, në dhjetëra e dhjetëra raste.
A i ka diskutuar ndonjëherë parlamenti 15 kushtet që ka vendosur Parlamenti Europian për t’u plotësuar para Konferencës Ndërqevertare? Asnjëherë, dhe kryeministri e deklaron publikisht, pa iu dridhur qerpiku, se nuk ka kushte!
Cili institucion mori vendim për përfshirjen e Shqipërisë në nismën serbe për Shengenin Ballkanik? E deklaroi vetëm Rama, kur i deshi qejfi.
A e diskutoi parlamenti ndryshimin e qëndrimit të kryeministrit për Marrëveshjen e Detit me Greqinë?
Asnjëherë. Vetë kryeministri ngriti komision. Ai deklaroi se do te zbatojmë vendimin e Gjykatës Kushtetutese. Vetëm ai deklaroi se çështjen do ta çojmë në një gjykatë ndërkombëtare.
Pra pushtetet e shtetit të së drejtës nuk ekzistojnë. Rama është qeveria, dhe qeverisja është zëvendësuar nga Rama.
Qeverisja në Shqipëri ngjason me qeverisjen e Anglisë, ne 1600, që Hobsi e analizoi te vepra e tij Leviantani, apo perbindëshi.
Hobsi mendonte se kishte tre lloj qeverisjesh. Monarkia, aristokracia dhe demokracia. Ai në ato kushte preferonte monarkinë absolute. Por mendonte se kritikët e monarkisë e njësonin me tiraninë. Kritiket e qeverisjes aristokratike, e konsideronin qeverisjen e pakicës oligarki dhe kritikët e demokracisë e vlerësonin atë anarki.
Brenda shpjegimeve gjendet edhe përgjigja për pyetjen, a është Rama diktator?
Të pretendosh sjelljen diktatoriale të Ramës në demokraci, duhet bërë pyetja hipoptetike. Çfare do të ishte Rama në diktature?
Do t’u priste kokat e gazetarëve/ kazaneve, që do të guxonin të kritikonin! E keni parë. Ai nuk pyet për opinionet e organizmave ndërkombëtare, për plotësimin e kushteve, funksionimin e Gjykatës Kushtetutese e Gjykatës së Lartë, kalimin e Reformës Zgjedhore me konsensusin e opozitës reale, përkundrazi i përbuz ato me neveri, prandaj Shqipërisë, nuk do t’i hapen negociatat për në BE.
Kjo situatë i pëlqen Ramës dhe nuk shqëtesohet aspak për hapjen e negociatave, sepse nuk dëshiron të monitorohet qeverisja e pushteteve të shtetit dhe plotësimi i standardeve të qeverisjes demokratike.
Qeverisja e Ramës, ka pak nga të gjitha format e qeverisjes së Hobsit. Rama është një copës sulltani, tiran, që qeveris me oligarkët, në një anarki institucionale!