Italia shpall gjendjen e jashtëzakonshme në Toskana, uji pushton zona të tëra
Moti i keq po bën kërdinë në Itali. Mediat vendase raportojnë se numri i viktimave është rritur në 7, ndërsa zona më e prekur është Toskana.
Në rajonin e Toskanës raportohet për dëme të mëdha në shumë zona të qyteteve të Pratos dhe Pistoias. Sot pritet të merret një vendim nëse shkollat në këto dy qytete do të qëndrojnë të mbyllura edhe për ditët e para të javës së ardhshme.
“Kabineti i qeverisë Meloni ka shpallur gjendjen e jashtëzakonshme në të gjitha rajonet e Toskanës të prekura nga reshjet e paprecedentë dhe ka ndarë, për ndërhyrjet e para të nevojshme, pesë milionë euro. Sapo të detajohet dëmi, kjo shumë sigurisht që do të rritet ndjeshëm”, tha ministri italian i Mbrojtjes Civile, Nello Muzzumecchi.