Jorida Tabaku derë më derë, kërkon votën për 11 majin, takon bizneset në ish-Bllok

Kandidatja për deputete e Partisë Demokratike në listën e hapur për Tiranën, zhvilloi një tur takimesh dhe bisedash me biznese dhe qytetarë në zonën e ish-Bllokut në Tiranë, ku diskutoi shqetësimet ekonomike dhe sfidat e sipërmarrësve e profesionistëve të lirë.

Gjatë këtyre bisedave, Tabaku u shpreh se profesionet e lira nuk duhet t’u besojnë socialistëve, pasi sipas saj, ata kanë dëmtuar rëndë këto kategori me politika fiskale abuzive dhe me rritjen e vazhdueshme të taksave dhe tarifave.

“Bizneset dhe profesionet e lira nuk mund të lulëzojnë në një klimë fiskale shtypëse, ku barra e taksave dhe tarifave po varfëron çdo ditë e më shumë qytetarët shqiptarë. Ndaj, profesionistët e lirë dhe sipërmarrësit nuk duhet t’i besojnë më socialistëve. Ne kemi një alternativë të qartë për të ulur barrën fiskale dhe për të nxitur ekonominë,” tha Tabaku gjatë takimeve.