Jozefina Topalli me shqiptarët e Gjermanisë: Diaspora fuqia e përmbysjes së korrupsionit!

Drejtuesja politike e PD-së për diasporën, Jozefina Topalli ka zhvilluar një takim me shqiptarët e Gjermanisë në Bremen. Topalli thotë se shqiptarët e Bremenit e pritën atë me ngrohtësi. Po ashtu Topalli thekson se diaspora është fuqia e përmbysjes së korrupsionit dhe e hapjes së një kapitulli për një Shqipëri të drejtë.

Postimi i plotë

Në Bremen, mes shqiptarëve të jashtëzakonshëm që me punë dhe përkushtim ia kanë dalë në emigracion, por që zemrën e kanë gjithmonë në atdhe. Një takim i ngrohtë, plot emocione dhe dashuri për Shqipërinë. Bashkë për të mos e lënë vendin tonë në harresë.

Diaspora është fuqia e përmbysjes së korrupsionit dhe e hapjes së një kapitulli për një Shqipëri të drejtë.

Faleminderit Enea Bardhaj për organizimin e këtij takimi kaq të ngrohtë e të veçantë. Faleminderit te gjithë motrave e vëllezërve shqiptarë qe bënë edhe 350 km me ardh në takim ne Bremen. Zoti bekoftë familjet tuaja.