Kancelari gjerman i shkruan Ramës në shqip: Shumë urime për fitoren!

Kancelari gjerman, Friedrich Merz ka uruar kryeministrin Edi Rama për rizgjedhjen në krye të vendit.

Në një postim në rrjete sociale, Merz e uron Ramën në shqip me fjalët: “Shumë urime”.

“Urime, Edi Rama, për rizgjedhjen tuaj në Shqipëri. Shumë urime! Mezi pres të vazhdojmë bashkëpunimin tonë dhe të takohemi për herë të parë në takimin e Komunitetit Politik Evropian në Tiranë të premten”, shkruan Merz.