Kapllanaj dhe Bejko sherr me Bashën në Berat: Ke dështuar, pse vjen në takime?

Pjesëmarrja e ish-kryetarit të PD-së, Lulzim Basha në takimin me strukturat në Berat ka shkaktuar debate. Mësohet se ka pasur një debat të forta mes tij dhe ish-kryebashkiakut demokrat të Mallakastrës, Agron Kapllanaj, i cili njihet dhe si mbështetës i tij.

Sipas ”Ora News”, Kapllanaj i ka kërkuar Bashës që të mos rikthehet në krye të PD-së pasi njeh vetëm disfata. Ai ka kërkuar sqarime Bashës se pse merr pjesë në këto takime me demokratët kur vetë është tërhequr.

“A e kuptoni se jeni një kryetar partie i dështuar në të gjithë betejat politike për 9 vjet?! Pse merrni pjesë në këto takime, dhe i jepni kosto demokratëve kur vetë jeni tërhequr? Nëse keni plan për tu rikthyer atëherë ne nuk jemi me ju”, ka thënë Kapllanaj.

Krahas Kapllanaj edhe Roland Bejko ka shprehur kundërshtitë e tij, duke thënë se nuk pranon sjelljen e Bashës karshi tyre.