Kejdi Mehmetaj apo Petrit Vasili do jetë deputet në parlament?

LSI në zgjedhjet politike mori goditje nga PS, por dhe nga aleati kryesor PD. Faktet flasin se komisionerët e PD bashkëpunuan me komisionerët e PS duke vjedhur e sakatuar LSI.

Tani jemi para faktit se LSI ka marrë 4 mandate deputeti me 117 mijë vota, ndërkohë që Tom Doshi me 32 mijë vota merr 3 mandate deputeti.

LSI ka marrë mandat në Shkodër me Agron Çelën, e kjo falë vetë kandidatit. Në Tiranë dy mandate, lista me tre të parët është si vijon: Monika Kryemadhi, Erisa Xhixho dhe Petrit Vasili. Ndërsa në Fier LSI ka marrë një mandat, ku e para është Monika Kryemadhi dhe Kejdi Mehmetaj e dyta.

Si rregull Monika Kryemadhi do të vendosë se ku do ta marrë mandatin e deputetit. Në Fier, nëse vendos ta marrë, atëhere ikën Kejdi Mehmetaj dhe në Tiranë e merr mandatin automatikisht Petrit Vasili. Nëse Kryemadhi vendos të jetë në Tiranë, digjet Vasili dhe fiton Mehmetaj.

Vendimi mbetet në dorën e kryetares së LSI, e cila duhet pranuar se bëri një fushatë ekselente, por politika dhe fushata elektorale në Shqipëri ka surpriza!

Me sa duket Monika Kryemadhi ndodhet në dilemë të madhe: Të vendosë për rininë, pra për Kejda Mehmetaj apo për partinë që emri VIP mbetet Petrit Vasili.