Këshilli i Mandateve shqyrton sot kërkesën e SPAK për arrestimin e Sali Berishës, opozita në protestë te Kryesia e Kuvendit

Këshilli i Mandateve mblidhet sot, 18 dhjetor, në orën 12:00 në Kryesinë e Kuvendit për të marrë në shqyrtim kërkesën e SPAK, që kërkon dhënien e autorizimit për arrestimin e ish-kryeministrit Sali Berisha.

Në të njëjtën kohë, ish-kryeministri Berisha ka thirrur protestë para Kryesisë së Kuvendit.

Ndërsa pritet nisja e protestës, Policia është në gatishmëri dhe ka blinduar ambientet e Kuvendit.

Rreth 700 efektivë nga policia e Tiranës dhe Forcat e Sigurisë Kombëtare do të jenë të Kryesia e Kuvendit.

Janë marrë të gjitha masat edhe për vendosjen e kamerave me rezolucion të lartë për të identifikuar çdo lëvizje të protestuesve që policia të ketë të gjitha provat e mundshme nëse do të ketë incidente. Ndërkohë RENEA është në gatishmëri në rast se do të ketë incidente.